Komuna e Vitisë shënon Ditën Botërore të Diabetit

Komuna e Vitisë, konkretisht Drejtoria për Shëndetësi dhe Mirëqenie Sociale dhe Qendra Kryesore e Mjekësisë Familjare (QKMF) në Viti, ka shënuar sot Ditën Botërore e Diabetit.

Me këtë rast një ekip I QKMF-së, në qendër të qytetit të Vitisë, ka shpërndarë fletushka informative mbi këtë sëmundje si dhe kanë bërë matjen e sheqerit në gjak si dhe matjen e tensionit arterial për 33 qytetarët e rastit

Me këtë rast ekipin i cili po merrej me këtë aktivitet e kanë vizituar zv. kryetari i komunës së Vitisë, Hasan Aliu dhe drejtoresha për Shëndetësi dhe Mirëqenie Sociale, Merrrushe Ahmeti si dhe drejtoresha e QKMF-së, Dr. Vjollca Kadolli – Halili.

Drejtoresha Ahmeti tha foli për shënimin e kësaj dite në Viti. “Promovimi i shëndetit është me rendësi të veçantë pasi, reflekton në gjitha aspektet e jetës, prandaj aktivitete të tilla do te mbahen ne vazhdimësi në komunën tone” u shpreh drejtoresha Ahmeti.

Ajo tha se po ashtu sot është paraparë të mbahet edhe një ligjëratë nga Dr. Gentiana Ferati me titullin “Diabeti dhe Menaxhimi i tij”.

Kurse drejtoresha e QKMF-së në Viti, Dr. Vjollca Kadolli-Halili theksoi se komuna e Vitisë, ka rreth 200 qytetarë që marrin insulinë dhe foli mbi rëndësinë e sigurimit të saj për pacientet me sëmundjen e sheqerit.

Kadolli-Halili tha se në QKMF-në e Vitisë ekziston edhe këshillimorja për diabet, ku sipas saj stafi shëndetësorë janë të përgatitur të japin këshilla për pacientët e interesuar. Drejtohesha e QKMF-së rekomandoi edhe këshilla për pacientët me diabet, ku tha që është shumë e rëndësishme të vizitohet mjeku për kontroll të rregullt, edhe pse mund të ndiheni mirë dhe të mos keni probleme.

“ Duhet të keni kujdes pasi që komplikimet të diabetit zhvillohen në heshtje dhe nuk shkaktojnë simptoma në fillim, por me kalimin e kohës ato dëmtojnë organet e ndryshme si zemrën, trurin, veshkat, sytë, enët e gjakut, indet, etj”, tha ajo. /2LONLINE/