Komuna e Vitisë shënoi Ditën e Kushtetutës së Kosovës
Me rastin e Ditës së Kushtetues së Republikës së Kosovës, Komuna e Vitisë ka mbajtur sot një takim me nxënës të shkollave të mesme në Viti. Gjatë këtij takimi fillimisht u mbajtën dy ligjërata për kategoritë kushtetuese si: Qeverisjen Lokale dhe Organizimin Territorial dhe e drejta e Qasjes në Dokumente Publike.
Gjatë këtij takimi nxënësit kanë parashtruar edhe pyetje.
Zv. Kryetari i Komunës së Vitisë, Hasan Aliu në fillim të këtij takimi tha se ky takim po mbahet për nder të ditës së Kushtetutës së Kosovës, duke potencuar se organizimi i tij u bë nën përkujdesjen e kryetarit, Sokol Haliti.
Kurse Fatbardha Emini, Juriste nga Vitia njëherit edhe Drejtoresh për Gjeodezi, Kadastër dhe Pronë, ka mbajtur ligjëratën ku është folur mbi kategoritë Kushtetuese si: Qeverisjen Lokale dhe Organizimin Territorial.
Ndërkaq Mustaf Mehmeti, Zyrtar për shqyrtimin fillestar të kërkesave për Qasje në Dokumentet Publike në Viti, ka folur mbi të drejtën e qasjes në dokumentet publike.
