Komuna e Vitisë po vazhdon edukimin shëndetësorë në komunitet për shëndetin oral

Me moton “Dhëmbë të shëndosh, trup i shëndosh” Komuna e Vitisë, konkretisht Qendra Kryesore e Mjekësisë Familjare në Viti, ka vazhduar  sot me aktivitete në komunitet, konkretisht në Komunën e Kllokotit, në fshatin Mogillë.

Ky aktivitet është realizuar në bashkëpunim me menaxhmentin e shkollës dhe mësuesit e kësaj shkolle.

Edukimi për shëndetin oral  është mbajtur në  shkollën fillore: SHMU” Gjon Sereqi” në Mogillë me nxënësit e klasëve të IV dhe të V-ta.

Dr.Durim Rexhepi- stomatolog, dr.Almira Rama-stomatologe dhe dr. Naza Sahiti-stomatologe kanë folur para nxënësve të klasëve të ulëta për rëndësinë e higjienës së mirë të gojës, mënyrën adekuate të pastrimit të dhëmbëve, kanë demonstruar pastrimin e dhëmbëve si dhe kanë bërë shpërndarjen e broshurave.

Përndryshe, sipas stomatologëve që prej moshës një vjeçare e në vazhdim çdo person duhet të kontrolloj dhëmbët dy herë në vit tek stomatologu.

Foto dhe info: QKMF- Viti