Komuna e Vitisë po shënon ditën ndërkombëtare e të moshuarave

/2L ONLINE/ – Komuna e Vitisë, konkretisht Drejtoria për Shëndetësi, dhe Mirëqenie Sociale ka shënuar sot ditën ndërkombëtare e të Moshuarve. Me këtë rast një ekip i stafit mjekësor të Qendrës Kryesore për Mjekësi Familjare të Vitisë, është vendosur sot në sheshin e qytetit në Viti, duke biseduar me të moshuarit.

Ata po ashtu kanë dhënë këshilla dhe kanë bërë matjen e shtypjes së gjakut për personat në moshën e pleqërisë, si dhe kanë shpërndarë e fletushkave me qëllim të vedijësimit për parandalimin e rrëzimeve te personat e moshuar, por edhe rreth sëmundjeve të cilat janë më të atakuar mosha e tretë.

Po ashtu disa mjekë të shoqëruar nga Sami Demelezi, përfaqësues i qeverisë komunale të Vitisë, kanë vizituar edhe qendrën e pensionistëve në Viti. Gjatë këtij takimi z. Demelezi është njohur për së afërmi edhe me nevojat e pensionitstëve vitias.

Ndërkaq të gjitha shërbimet shëndetësore në QKMF-në e Vitisë, gjatë ditës së sotme kanë qenë pa pagesë për personat në moshën mbi 60 vjeçare.

Përndryshe, Dita Ndërkombëtare e të Moshuarve është një ditë e veçantë për personat e moshës së tretë në të gjithë botën. Më 14 dhjetor 1990, Asambleja e Përgjithshme e Kombeve të Bashkuara përcaktoi 1 Tetorin si ditën e respektit global për të moshuarit./2L ONLINE/