Komuna e Vitisë përfiton mbi 105 mijë euro

Kryetari i Komunë së Vitisë, Sokol Haliti sot në Prishtinë ka marrë pjesë në ceremoninë e lansimit të Grantit të Performancës.

Ky grant është një mekanizëm që është themeluar dhe bashkëfinancuar nga Ministria e Administrimit të Pushtetit Lokal (MAPL) dhe Agjencia Zvicerane për Zhvillim dhe Bashkëpunim (SDC) dhe zbatohet së bashku me projektin DEMOS të Helvetas Swiss Intercooperation.

Komuna e Vitisë është në mesin e 19 Komunave të Kosovës që është përfituese e këtij granit. Kurse shuma të cilën e ka përfituar komuna e Vitisë është mbi 105 mijë euro.

Përndryshe Komisioni i Grantit për Performancë ka vlerësuar se Komuna e Vitisë, ka përmbushur kriteret e nevojshme për të qenë subjekt përfitues nga ky grant mbështetës pasi që ka marrë opinionin e pamodifikuar me theksim të çështjes nga Auditori i përgjithshëm, ka tejkaluar shpenzimin e buxhetit në investime kapitale prej mbi 75% por ka përmbushur edhe disa kritere të tjera.