Komuna e Vitisë përfiton 49.500€ grant nga projekti DEMOS

/2L ONLINE/ – Kryetari i Komunës së Vitisë, Sokol Haliti me bashkëpunëtor ka marrë sot pjesë në ceremoninë e ndarjes së granteve në kuadër të projektit për Decentralizim dhe Përkrahje të Komunave (DEMOS), i financuar nga Zyra Zvicerane për Zhvillim dhe e zbatuar nga HELVETAS Swiss Intercooperation në Kosovë dhe që organizohet në bashkëpunim me Ministrinë e Administrimit të Pushtetit Lokal.

Në këtë ceremoni u bë e ditur se komuna e Vitisë si komunë partnere e projektit DEMOS do të përfitoj një grant në vlerë prej 49,500 euro.

Granti do të jenë në dispozicion për projekte komunale në vitin 2016. Shuma e grantit përcaktohet varësisht nga performanca e komunës, ndërsa performanca komunale është vlerësuar në bazë të të dhënave zyrtare nga Ministria e Administrimit të Pushtetit Lokal, Ministria e Financave dhe Auditori i Përgjithshëm, në fushat si në vijim:

•menaxhimi financiar – zbatimi i rekomandimeve të auditorit të përgjithshëm dhe vjelja e tatimit në pronë;

•demokraci lokale – raportimet e kryetarëve të komunave në takimet e kuvendeve komunale dhe publikimi i akteve të kuvendeve komunale;
•shërbimet publike – mbulueshmëria dhe cilësia e shërbimeve komunale në fushën e menaxhimit të mbeturinave, hapësirave publike dhe trafikut komunal./2L ONLINE/