Komuna e Vitisë me projekte të kanalizimit në disa lokalitete

Në kuadër të zhvillimit të punimeve për shtrirjen e rrjetit të kanalizimit, kryetari i komunës Sokol Haliti ka bërë me dije që në shumë lokalitete po kryhen pune intensive në rregullimin e kanalizimeve si në rrugën “Safet Rexhepi”, mbrapa ETC-së në Viti, në lagjen “Delia” dhe lagjen “Toplana” në Beguncë.

Në takimin me inxhinierët dhe mbikqyrësit e këtyre projekteve, kryetari Haliti theksoi se shumë shpejt do të filloj rregullimi i kanalizimit edhe në fshatin Devajë.

Haliti tha se komuna e Vitisë në vazhdimësi po punon edhe në shumë projekte të tjera gjithnjë në të mirë të gjithë qytetarëve vitias.   /2LONLINE/