Komuna e Vitisë liron nga pagesat komunitetin Rom, Ashkali dhe Egjiptas

/2L ONLINE/ – Komunitetet Rom, Ashkali dhe Egjiptas të cilat do të kërkojnë shërbime të ndryshme komunale pranë Drejtorisë së Administratës tani e tutje janë të liruar nga pagesat. Lirimi nga pagesa të Komunitetit REA u bë e mundur pasi që Drejtoria për Administratë ka propozuar ndryshimin e nenit 6 të Rregullores për Taksa, Ngarkesa dhe Gjoba.

Propozimi i kësaj drejtorie është përkrahur edhe nga Kuvendi Komunal i Vitisë, organ ky i cili ka votuar me shumicë votash për ndryshimin e kësaj rregullore. Drejtori për Administratë, Isak Sadiku tha se ky veprim është për me qëllim që të respektohet dhe ndihmohet ky komunitet në këtë komunë por edhe duke respektuar Strategjinë Nacionale për Komunitetin REA. /2L ONLINE/