Komuna e Vitisë furnizon zjarrfikësit me pajisje të nevojshme

Njësia Profesionale e Zjarrëfikjes dhe Shpëtimit (NJZPSH) në Viti, është furnizuar me pajisje të ndryshme për fikjen e zjarreve fushore dhe malore.

Kjo u bë me dije sot nga Komandanti i NJZPSH-së në Viti, Hetem Jakupi.

Ai tha se nga Drejtoria e Shërbimeve Publike dhe Emergjencës ata janë furnizuar me këto pajisje fryrëse ajri për fikjen e zjarreve fushore-malore, shpinore për fikjen e zjarrit me ujë, rezervuarë të ujit (20l) për bartjen e ujit në terrene të vështira si dhe këpucë verore për pjesëtaret e NJZPSH-së në Viti.

“Me këto pajisje po ngritët niveli i gatishmërish për të reaguar në rastet e zjarreve fushore dhe malore por edhe për rastet e tjera që mund te kemi. Këto pajisje do ti shërbejnë zjarrfikëseve për t’i dalë në ndihmë qytetarëve në raste te zjarreve dhe të mbrojmë jetën dhe pasurinë e tyre” u shpreh komandanti Hetemi. /2LONLINE/