Komuna e Vitisë dhe Organizata Qatar Charity iu dalin në ndihmë 250 familjeve

Në kuadër të bashkëpunimit të Qatar Charity dhe Drejtorisë së Shëndetësisë dhe Mirëqenies Sociale në Viti, sot në Viti janë ndihmuar 250 familje vitiase.

Këtij aksioni ju janë bashkangjitur edhe Basri Aliu, Drejtor për Shëndetësi dhe Mirëqenie Sociale dhe Demush Mehmeti, Drejtor i Qendrës për Punës Sociale. Drejtori Aliu ndër tjerash falënderoi organizatën në fjalë dhe të gjithë bamirësit që po mendojnë edhe për ato familje të cilat kanë nevojë për ndihmë.

Familjet janë ndihmuar secila me nga një pako ushqimore dhe 2 jorganë në vlerë prej 40 euro.

Bëhet me dije se këto ndihma janë ndarë në kuadër të bashkëpunimit të komunës së Vitisë me këtë organizatë dhe atë në kuadër të projektit “Përkrahja dimërore”.