Komuna e Kamenicës zbaton masat e marra pas vendimit të qeverisë për parandalimin e virusit COVID-19

Komuna e Kamenicës zbaton masat e marra pas vendimit të qeverisë për parandalimin e virusit COVID-19

Pas gjendjes së krijuar në vend për shkak të masave parandaluese ndaj virusit COVID-19, Komuna e Kamenicës ka mbajtur çdo ditë mbledhje të kryesuara nga Kryetari i Komunës, Qëndron Kastrati, pjesëmarrës në takim ishte edhe nënkryetari i komunës, Faton Jakupi dhe ekipa e taskforcës e kryesuar nga Meriton Ramabaja, në të cilat takime u morën këto masa shtesë për parandalimin e virusit COVID-19:

Janë dezinfektuar të gjitha bizneset dhe të gjitha institucionet publike të Kamenicës,

Është bërë pastrimi gjeneral i të gjitha shkollave dhe çerdhes “Filiza”,

Janë mbyllur të gjitha restaurantet, kafiterit dhe qendrat tregtare,

Është bërë inspektimi i dyqaneve ushqimore, bizneseve dhe farmacive,

QKMF në Kamenicë është mobilizuar në tri ekipe dhe është e gatshme 24 orë për çdo situatë( një ekip tek “Dheu i Bardhë” dhe dy ekipe mobile),

Kryetari Qëndron Kastrati, së bashku me nënkryetarin e Komunës Faton Jakupin, si dhe drejtoreshën e Drejtorisë së Shëndetësisë dhe Mirëqenies Sociale, Suna Zajmi kanë vizituar ekipet mjekësore në QKMF dhe në kufi tek ‘’Dheu i Bardhë’’,

Po ashtu është ndarë një dhomë e veçantë për rastet e dyshimta në QKMF, si dhe është shpërndarë në mënyrë racionale i gjithë materiali mbrojtës për stafin mjekësor dhe stafin ndihmës në QKMF-Kamenicë, QMF- Roganë dhe Hogosht,

Ekipa mjekësore brenda këtyre dy ditëve ka përfunduar 327 kontrolla tek “Dheu i Bardhë”, ndërkaq 91 pacientë janë kontrolluar në QKMF në Kamenicë, si dhe pesë vizita mjekësore në shtëpi, por që asnjë rast nuk ka qenë i dyshuar me COVID-19,

Janë ndërprerë kontrollat e rregullta për nëna dhe fëmijë në QKMF,

Personat që kanë dyshime se janë infektuar me virus të vetizolohen dhe të kërkojnë ndihmë në linjën telefonike 0280/371-783, pa pasur nevojë të paraqiten në QKMF, ekipi mobil do të intervenojë shpejt,

Sipas vendimit të Qeverisë janë ndërprerë linjat e autobusëve nëpër territorin e Kamenicës dhe në drejtim të komunave tjera,

Gjithashtu janë pezulluar edhe aktivitetet e ndërmarrjes së grumbullimit të mbeturinave “Ecohigjiena”, me qëllim të masave parandaluese ku për 10 ditë do të kufizohen shërbimet vetëm në zonën e qytetit,

Stacioni Policor në Kamenicë do të ofrojë asistencë sipas nevojës dhe kërkesave,

Pezullohen të gjitha aktivitetet e parapara nga Komuna e Kamenicës(diskutime publike) aktivitetet kulturore, sportive, testeve dhe intervistave verbale për punë,

Obligohen marketet ushqimore, furrat dhe barnatoret që të rrisin nivelin e higjienës dhe të dezinfektojnë hapësirat e punës,

Inspektorati komunal vazhdon inspektimet 24 orë në terren, për të inspektuar dhe ndaluar rritjen e çmimeve artificiale të produkteve,

Institucionet publike kanë liruar njërin prind nga puna brenda kësaj periudhe të pezullimit mësimor,

Ndalohen tubimet e çfarëdo natyre si masë preventive ndaj përhapjes së virusit.

Kujdes PO, panik JO!

KOMENTE