Komuna e Kamenicës pjesë e konferencës “Nxënësit, Paqja dhe Siguria”

Komuna e Kamenicës u përfaqësua denjësisht në konferencën e Këshillit të Nxënësve nga Kryetari i Këshillit të Nxënësve në nivel komune, Blend Kastrati, i cili ishte pjesë e panelit kryesor të diskutimit.

Ai ndau përvojat, vizionin dhe idetë për fuqizimin e të rinjve, duke theksuar rëndësinë e krijimit të një mjedisi shkollor më të sigurt, më gjithëpërfshirës dhe më të orientuar drejt bashkëpunimit.

Në këtë konferencë u mblodhën përfaqësues të nxënësve nga e gjithë Kosova për të diskutuar rreth paqes, sigurisë dhe avokimit të të rinjve në shkollat e mesme.

Nga Kamenica morën pjesë edhe përfaqësues të Këshillit të nxënësve të tri shkollave të mesme të komunës sonë:

IAAP “Andrea Durrësaku”

Gjimnazi “Ismail Qemali”

Shkolla e Mesme “Sejdi Kryeziu” – Roganë

Konferenca synonte:

Rritjen e ndërgjegjësimit për Agjendën e Rinisë, Paqes dhe Sigurisë (YPS).

Ndërtimin e kapaciteteve të nxënësve në avokimin për paqe dhe siguri.

Hartimin e rekomandimeve konkrete për shkolla të sigurta dhe gjithëpërfshirëse.

Forcimin e rrjeteve dhe dialogut ndërmjet përfaqësuesve të nxënësve nga komuna të ndryshme.  /2LONLINE/