Komuna e Kamenicës kërkon nga qytetarët që janë prekur nga vërshimet e fundit të paraqiten në komunë për evidentimin e dëmeve

Komuna e Kamenicës kërkon nga qytetarët që janë prekur nga vërshimet e fundit të paraqiten në komunë për evidentimin e dëmeve

NJOFTIM

Njoftohen të gjithë qytetarët e Komunës së Kamenicës, të cilët janë prekur nga vërshimet e fundit dhe u janë shkaktuar dëme materiale, që të paraqiten në komunë për evidentimin e dëmeve.

Qytetarët duhet të dorëzojnë kërkesën e tyre në Qendrën për Shërbime me Qytetarë, duke specifikuar dëmet materiale të shkaktuara nga reshjet e fundit.

Komisioni i formuar për këtë qëllim do të shqyrtojë të gjitha kërkesat e dorëzuara dhe do të përgatisë një raport përmbledhës për vlerësimin e dëmeve, i cili më pas do t’i dërgohet Kryetarit të Komunës për shqyrtim.

Pas kësaj, raporti do t’i paraqitet Asamblesë Komunale për miratim, e cila më pas e procedon atë në nivel qendror, ku merret vendimi për ndarjen e mjeteve financiare për sanimin e dëmeve të shkaktuara. /2LONLINE/