Komuna e Gjilanit në bashkëpunim me organizatën TIKA shpërndajnë 70 pako ushqimore për familjet me asistencë sociale
Komuna e Gjilanit në bashkëpunim me organizatën turke TIKA, kanë shpërndarë sot 70 pako ushqimore për familjet me asistencë sociale, në ngjarjen ku mori pjesë kryetari Alban Hyseni së bashku me drejtoreshën e Shëndetësisë, Aurorë Osmani Buca dhe përfaqësuesen e TIKA-s, Aylin Ozciftci.
“E falënderojmë TIKA-n dhe përfaqësuesen e saj, zonjën Aylin për pjesëmarrjen në shpërndarjen e këtyre pakove, në të njëjtën kohë edhe për mbështetjen e ofruar për qytetarët e Gjilanit. Kjo është pakoja e 470 që po e shpërndajmë sot, që në total gjatë këtij muaji të Ramazanit shkon në 764 pako ushqimore”, ka thënë kryetari Hyseni.
Ndërkaq, përfaqësuesja e organizatës turke TIKA, Aylin Ozciftci, e ka falënderuar kryetarin Hyseni për bashkëpunimin, teksa tha se me këto pako ushqimore dëshirojnë të tregojnë që janë afër familjeve në nevojë.
Ndryshe, Komuna e Gjilanit dje ka shpërndarë 400 pako ushqimore për familjet në nevojë, që kanë qenë donacion i organizatës Katar Charity. /2LONLINE/