Komuna e Bujanocit shtrëngon masat ndaj Covid-19

Shtabi për situata të jashtëzakonshme i komunës pas shqyrtimit të raportit të Drejtoreshës së Shtëpisë së Shëndetit Dr. Daliborka Pavlloviç lidhur me gjendjen epidemiologjike në komunën e Bujanocit si pasojë e përkeqësimit të gjendjes me virusin korona ka aprovuar masa të reja në luftën kundër COVID-19.

Me propozim të drejtuesit të Shtabit, Nagip Arifit, përveç masave të aprovuara nga Qeveria të gjitha ndërmarrjet publike dhe administrata lokale duhet të përshtatin orarin e punës që gjysma e punëtorëve të punojnë një ditë dhe pjesa tjetër ditën tjetër.

Gjithashtu masat e reja ndalojnë rreptësishtë hyrja e çdo personi pa maska në NP dhe Administratën lokale.

Sipas Drejtoreshës Dr. Pavlloviç, gjendja momentale në Komunën e Bujanocit sa i përket Covid-19 është tejet e përkeqësuar dhe numri i të infektuarve deri më 15. 11.2020 është 291 të infektuar dhe janë në pritje edhe 20 rezultate.

BURIMI: Titulli.com