Komuna diskuton për projekte me banorët e fshatit Budrikë

/2L ONLINE/ – Kryetari i Komunës së Vitisë, Sokol Haliti ka mbajtur një diskutim publik me banorët e fshatit Budrikë ku është biseduar rreth projekteve në këtë fshat konkretisht rreth projektit të asfaltimit që ka filluar ditë më parë e që financohet me mjete vetanake të Vitisë.

Kryetari Haliti gjatë këtij takimi ka bashkëbiseduar me Budrikasit rreth nevojave të cilat i ka ky lokalitet e ku këta banorë kërkuan nga institucionet komunale që të gjenden format e financimit të ndriçimit publik, trotuarit, asfaltimin e disa rrugëve të lagjeve dhe shtrimin me zhavorr të disa rrugëve fushore.

Po ashtu banorët propozuan që të gjendet një mundësi për hapjen e një tregu të përbashkët të Budrikës me fshatrat për rreh pasi që kjo pjesë është e njohur në kultivimin e produkteve bujqësore poashtu ata kërkuan edhe rregullimin e hapësirave për reakracion si ndërtimin e një fushe sportive./2L ONLINE/