Komuna dhe DEMOS investojnë në terrenin sportiv

/2L ONLINE/ – Do të ndërtohet fusha e sportit për nxënësit dhe të rinjtë e lagjeve “Malësia” e “Qamëria”, pasi Komuna e Kamenicës dhe DEMOS janë dakorduar për investimin e përbashkët të projektit “Fusha e sporit, pranë shkollës së Lagjes Malësia”. Ky projekt do të realizohet gjatë muajve qershor dhe korrik të këtij viti, ndërsa financohet me 70% nga Qeveria Zvicerane Projekti DEMOS dhe 30 % nga Buxheti Komunal i Kamenicës.

Sipas nënkryetarit të Kamenicës Fatmir Matoshi, për këtë vit DEMOS do të investoj rreth 12 mijë euro për këtë projekt, dhe po ashtu tashmë Komuna ka shlyer të gjitha obligimet e mbetura të projektit të ujësjellësit Kopërnicë – Kolloleq – Shipashnicë.

“Tashmë jemi dakorduar për realizmin e këtij projekti, në vazhdim do të nënshkruajmë edhe kontratën me afatet e parapara për implementimin e projektit. Sipas dinamikës së përcaktuar nga donator, në gusht të këtij viti ky projekt duhet të jetë I përfunduar. Komuna është mirënjohëse dhe falënderuese ndaj Qeverisë Zvicerane dhe projektit DEMOS, për mbështetje në investime kapitale si dhe për ndihmën në hartimin e planit të mobilitetit për Kamenicën” tha nënkryetari Matoshi . /2L ONLINE/