Komiteti për Komunitete mbajti mbledhjen e parë në këtë vit

Komitetit për Komunitete, në Kamanicë, ka mbajtur mbledhjen e parë për këtë vit, e cila është drejtuar nga kryesuesi, Zhivojin Milkoviq. Kurse, të pranishëm ishin edhe përfaqësuesit regjional të OSBE-së. Janë shqyrtuar tri pika të rendit të punës: shqyrtimi i procesverbalit nga mbledhja e kaluar, kërkesa e një qytetari të përkatësisë rome për ndarjen e një trualli për shtëpi në pronën komunale dhe ajo, nën të ndryshme.

Lidhur me kërkesën e qytetarit, Albert Saliji, diskutuan: Milaim Rexhepi, Milosh Filiqi dhe Ramiz Keka. Në fund, pas dilemës, se a është i kthyer ky person me familjen gjashtë anëtarëshe, Komiteti vendosi t’a shqyrtoj këtë kërkesë në takimin e radhës, kur të plotësohet me të gjitha dokumentet përkatëse. Nderkaq, Zyra Komunale për Komunitete dhe Kthim, të sjell dëshmin se a është e evidentuar kjo familje si e kthyer.

Për pikën e rendit të kësaj mbledhje, të ndryshme, Milaim Rexhepi, informoi që rrugës “ Sait Baliq” te mëhalla e romëve i mungon ndriçimi publik, ndërsa Zeçirja Sermaxhaj, i njoftoi të pranishmit që e ka siguruar një donacion me organizatën ndërkombëtare humanitare “ Islamic Relieff” me qendër në Birmingham të Britanisë së Madhe, për financimin e ujësjellësit në një lagje matanë lumit në fshatin multietnik të Berivojcës, ku përfitues janë : shqiptarët ,serbët dhe romët.Donatori financon me: 20.000€, ndërsa Komuna merrë pjesë me 8.000€.

Po ashtu organizata e njëjtë ka nënshkruar memorandum bashkëpunimi edhe me Drejtorinë për Shëndetësi dhe Mirëqenie Sociale. Komiteti njëzëri i dha mbështetje realizimit të këtij projekti të rëndësishëm të infrastrukturës për atë pjesë të fshatit Berivocë.