Komiteti Komunal për Mbrojte dhe Shpëtim vendos të ndërpritet mësimi në të gjitha shkollat e komunës së Vitisë

Kryetari i komunës së Vitisë, Sokol Haliti, ka thirrur sot në takim Komitetin Komunal për Mbrojte dhe Shpëtim në Viti, gjatë kësaj mbledhje ata u pajtuan që mësimi për sot në të gjitha shkollat e kësaj komune të ndërpritet.

Kjo për shkak të gjendjes së vështirësuar të qarkullimit pas përmbytjeve që u shkaktuan në disa pjesë të komunës së Vitisë si pasojë e reshjeve të shumta të shiut.

Vendimi për ndërprerjen e mësimit në të gjitha shkollat e komunës së Vitisë aktualisht është vetëm për ditën e sotme. /2LONLINE/