Komisioni për Vlerësimin e Performancës së Prokurorëve adreson çështje kyçe të procesit të vlerësimit

Kryetarja e Komisionit për Vlerësimin e Performancës së Prokurorëve, znj. Elza Bajrami – Kastrati, ka mbajtur sot takimin e parë për vitin 2026 me anëtarët e këtij Komisioni: prokurorin nga Zyra e Kryeprokurorit të Shtetit, z. Aleksandër Lumezi, prokuroren nga Prokuroria e Apelit, znj. Nazan Shero, si dhe Koordinatori i Komisioneve të Përhershme të KPK-së z. Besim Kusari. 

Në këtë takim u trajtuan disa çështje me rëndësi lidhur me funksionimin dhe aktivitetet e Komisionit për vitin 2026. 

Fillimisht, u prezantuan informata të përgjithshme, duke përfshirë njoftimin për miratimin e Programit të vlerësimit të performancës për vitin 2026, si dhe gjendjen aktuale të procesit të hartimit të raportit vjetor të Komisionit lidhur me vlerësimin e performancës vjetore të prokurorëve nga eprorët. 

Në vijim, anëtarët e Komisionit diskutuan për fillimin e dy proceseve të vlerësimit të performancës së prokurorëve, të cilat do të zhvillohen njëkohësisht nga ana e Komisionit. 

“Komisioni për Vlerësimin e Performancës së Prokurorëve mbetet i përkushtuar në zbatimin e detyrave të tij në mënyrë profesionale, transparente dhe në përputhje me legjislacionin në fuqi”, thuhet në njoftim. /2LONLINE/