Nga Kosova në Irlandë, e nga këtu në Shtetet e Bashkuara të Amerikës. Për 17 ditë, Kombëtarja e Turqisë do të jetë larg vendit të tyre, ku do të zhvillojë ndeshje miqësore para fillimit të kualifikimeve për Kampionatin Evropian. Kështu, sipas mediave turke, Kombëtarja e Fatih Terimit do të zbarkojë në Prishtinë më 19 maj, ku ditë më pas do të luajnë me Kosovën.
“Loja që do të zhvillohet mes Kosovës e Turqisë, prej tash ka nisur të shkaktojë adrenalinë në Kosovë. Ndeshja që do të luhet më 21 maj, do të zhvillohet në Mitrovicë, nëse nuk arrihet të rregullohet stadiumi i Prishtinës”, shkruan ‘sporx.com’. Sipas tyre, Kosova më 5 mars zhvilloi takimin historik me Haitin në të cilin barazoi 1:1, duke gabuar kështu rezultatin.
Ndeshja ishte mbyllur 0:0. Një ditë pas takimit me Kosovën, Turqia nga Prishtina do të “fluturojë” për në kryeqytetin e Irlandës, ku përballet me Kombëtaren e këtij vendi, për të udhëtuar më pas në Shtetet e Bashkuara të Amerikës, ku takohet me Hondurasin. Ndërkohë, më 12 nëntor të këtij viti, turqit presin në Stamboll, Brazilin.