Komandanti i LMT Engin Binkuyu dhe Kapiteni Mat vizituan Këshillin e Bashkësisë Islame në Gjilan

Komandanti i LMT  kapiteni Engin Binkuy  i cili ka përfunduar misionin e tij në Kosovë si dhe Komandanti në ardhje Kapiteni Apdula MAT, vizituan Këshillin e Bashkësisë Islame në Gjilan,  ku u  pritën nga kryetari Këshillit z. Naim Aliu.

 Kryetari Aliu e falënderoi komandantin për punën dhe të angazhimin e tij në sferën e sigurisë si dhe  për vizitën dhe kontaktet e vazhdueshme që LMT ka  me KBI në Gjilan.

Kryetari Aliu ndër tjerash i dëshiroi kapitenit Apdula Mat mirëseardhje dhe suksese në angazhimet e tij në sferën e sigurisë me shpresë se bashkëpunimi me LMT do të vazhdojë sikurse edhe paraardhësit e tij.

Gjatë diskutimit u vlerësua lartë  bashkëjetesa ndërfetare të cilën e kultivon dhe  promovon Këshilli i Bashkësisë Islame në vazhdimësi.  /2LONLINE/