Komandanti i KFOR-it Turk viziton Spitalin e Përgjithshëm në Gjilan
Komandanti i KFOR-it Turk viziton Spitalin e Përgjithshëm në Gjilan. Vizita u realizua në Shërbimin e Gjinekologjisë, shërbim i cili luan një rol thelbësor në ruajtjen dhe përmirësimin e shëndetit të grave, duke ofruar kujdes mjekësor për një numër të madh pacientesh çdo vit.
Në njoftimin e Spitalit thuhet se: për të garantuar shërbime cilësore, të sigurta dhe në përputhje me standardet bashkëkohore mjekësore, ekziston nevoja për përmirësim dhe pajisje shtesë në infrastrukturë, aparatura mjekësore dhe materiale.
“Mbështetja nga KFOR-i Turk në formën e donacioneve do të kontribuoj drejtpërdrejt në rritjen e cilësisë së shërbimit, përmirësimin e kushteve të trajtimit dhe në përfitim të drejtpërdrejtë të pacienteve që trajtohen në shërbimin e gjinekologjisë”, bëhet e ditur në njoftimin e Spitalit të Gjilanit. /2LONLINE/