Komandanti i FSK-së,mori pjesë në “Generals, Flag Officers and Ambassadors’ Course”
Komandanti i Forcës së Sigurisë së Kosovës, gjenerallejtënant Rrahman Rama, nga data 09-13 maj 2016, mori pjesë në kursin e lartë “Generals, Flag Officers and Ambassadors’ Course”, i cili u mbajt në Kolegjin e Mbrojtjes në Romë.
Qëllimi i këtij kursi ishte njoftimi rreth çështjeve aktuale politiko-ushtarake dhe shqetësimet që ndikojnë në Aleancë, si dhe për të rritur mirëkuptimin e ndërsjell dhe për të promovuar rrjetin e bashkëpunimit mes gjeneralëve pjesëmarrës, oficerëve të lartë, ambasadorëve dhe civilëve me grada ekuivalente.
Programi i përgjithshëm i kursit i është dedikuar analizës dhe diskutimit të çështjeve kyçe dhe sfidave me të cilat përballet aktualisht Aleanca dhe si i zbaton NATO-ja rekomandimet nga Samiti i Uellsit dhe ai i Chicagos; Konceptin Strategjik të vitit 2010; rolin e saj operacional në Afganistan, në kuadër të misionit të Rezolutës për Mbështetje; si i monitoron nga afër zhvillimet në Ukrainë, Irak dhe Siri; si dhe përgatitjet për Samitin e ardhshëm të NATO-s në Varshavë
Kursi ishte i fokusuar në atë se si këto tema të nivelit strategjik do të formësojnë mjedisin e ardhshëm politik dhe strategjik, si dhe ndikimin e këtyre në NATO dhe tek politik-bërësit ushtarakë dhe civilë që kanë të bëjnë me NATO-n.
Qasja teorike është siguruar nga akademikë, praktikues dhe diplomatë me përvojë.
Pjesëmarrësit e kursit kanë përfituar nga sesionet pyetje-përgjigje dhe nga qasja e lirë e politikës akademike për të shfrytëzuar potencialin e plotë të ligjëruesve.
Diskutimet brenda Komitetit, nganjëherë ligjëruesit mikpritës inkurajuan shkëmbimin e pikëpamjeve ndërmjet pjesëmarrësve të kursit, në mënyrë që të zhvillojnë të kuptuarit e përbashkët të temave të ndryshme.
Komandanti i FSK-së, gjeneral Rama gjatë këtij kursi të NATO-s, zhvilloi takime me gjeneralë dhe pjesëmarrës të tjerë, ku i njoftoi me të arriturat e përgjithshme të FSK-së, njëherësh i falënderoi edhe për ndihmën e vazhdueshme që ata po japin për FSK-në.