Komandanti i FSK-së priti në takim Zëvendësdrejtorin e Qendrës së Ekselencës së NATO-s për Mjekësinë Ushtarake

Dhjetë ushtarakë nga Qendra e Ekselencës së NATO-s për Mjekësinë Ushtarake, të kryesuar nga Zëvendësdrejtori i kësaj qendre, Kolonel Zoltan VEKERDI, MD, PhD, po qëndrojnë në Forcën e Sigurisë së Kosovës, ku janë duke realizuar procesin e validimit të dy ekipeve të ROLE 1 të FSK-së.

Me këtë rast, Komandanti i FSK-së, Gjenerallejtënant Bashkim Jashari, priti në takim Kolonel VEKERDI-n, të cilin e falënderoi për bashkëpunimin dhe mbështetjen e vazhdueshme, duke vlerësuar lart kontributin e Qendrës së Ekselencës së NATO-s për Mjekësinë Ushtarake në ngritjen dhe avancimin e kapaciteteve mjekësore të FSK-së.

Gjatë takimit u theksua rëndësia e bashkëpunimit profesional, shkëmbimit të përvojave dhe zbatimit të standardeve të NATO-s në fushën e mjekësisë ushtarake.

Procesi i validimit paraqet një hap të rëndësishëm në vlerësimin dhe avancimin e aftësive operacionale të ekipeve mjekësore të FSK-së, duke kontribuar në rritjen e ndërveprueshmërisë dhe përgatitjes së tyre për përmbushjen e misionit në përputhje me standardet e NATO-s.

Gjatë këtij takimi u diskutuan edhe çështjet e rëndësisë së veçantë në fushën e mjekësisë si: Qëndrueshmëria operacionale mjekësore, procesi i rivalidimit për ekipet e ROL 1, pjesëmarrja aktive e FSK-s, në aktivitet të cilat realizohen nga qendra e ekselencës së NATO-s për mjekësinë ushtarake, pjesëmarrja në Ushtrimin Fushor Vigours Warior 28 (VW28) etj.

Në fund të takimit GLT Jashari falënderoi Kolonel Vekerdin për mbështetjen e vazhdueshme që Qendra e Ekselencës së NATO-s për Mjekësinë Ushtarake i ka ofruar FSK-së. /2LONLINE/