Komandanti i FSK-Së priti në takim drejtorët e Ekipit Këshillues dhe Ndërlidhës të NATO-s (NALT)

Komandanti i Forcës së Sigurisë së Kosovës, Gjenerallejtënant Bashkim Jashari priti në takim drejtorët e Ekipit Këshillues dhe Ndërlidhës të NATO-s (NALT), Gjeneral Brigade Christian Nawrat dhe Gjeneral Brigade Dr. Sven Lange.

Komandanti i FSK-së, Gjenerallejtënant Bashkim Jashari priti sot në takim lamtumirës / njoftues, drejtorin e deritanishëm të NALT, Gjeneral Brigade Christian Nawrat dhe atë në ardhje, Gjeneral Brigade Dr. Sven Lange. Fillimisht Gjeneral Jashari falënderoi Gjeneralin Nawrat për shërbimin e tij të deri tanishëm si Drejtor i Ekipit Këshillues dhe Ndërlidhës të NATO-s (NALT), duke vlerësuar dhe shprehur mirënjohje të lartë për punën e tij.

Në anën tjetër Gjenerali Nawrat përgëzoi Gjeneral Jasharin për udhëheqjen e proceseve transformuese të FSK-së dhe e falënderoi për bashkëpunimin korrekt dhe profesional.

Poashtu Gjeneral Jashari i shprehu mirëseardhje dhe i uroi për detyrën e re si Drejtor i NALT, Gjeneral Brigade Dr. Sven Lange.

Gjeneral Jashari diskutoi me të për objektivat e tij lidhur me zhvillimin e Forcës si dhe për rritjen bashkëpunimit të mëtutjeshëm në mes të Forcës se Sigurisë së Kosovës dhe NALT.

Në fund palët u pajtuan që bashkëpunimi ndërmjet Forcës se Sigurisë së Kosovës dhe Ekipit Këshillues dhe Ndërlidhës të NATO-s (NALT) të zhvillohen edhe më tutje duke u fokusuar në fushat e zhvillimit të kapaciteteve të FSK-së në funksion të përmbushjes së misionit të saj, si dhe arritjen e standardeve të NATO-s, ku edhe aspirojmë të integrohemi. /2LONLINE/