Komandanti i FSK-së merr pjesë në ceremoninë e ndërrimit të Komandës Amerikane të KFOR-it
Komandanti i FSK-së, Gjenerallejtënant Bashkim Jashari mori pjesë në Ceremoninë e Ndërrimit të Komandës në Komandën Rajonale-Lindje (RC-E), në kuadër të KFOR, ku KFOR 34 e udhëhequr nga Kolonel Peter D. Helzer dhe Rreshter Major John K. Zagyva, ia dorëzuan komandën KFOR 35 të udhëhequr nga Kolonel Jonathan D. Lloyd dhe Rreshter Major Somkid M. Kimball.
KOMFSK, Gjenerallejtënant Bashkim Jashari falënderoi Komandantin në largim të Komandës Rajonale-Lindje, Kolonelin Peter Helzer, për bashkëpunimin e ngushtë dhe mbështetjen e vazhdueshme gjatë mandatit të tij.
Njëkohësisht, KOMFSK i uroi suksese Kolonelit Jonathan D. Lloyd në detyrën e re si Komandant i Komandës Rajonale-Lindje si dhe shprehu gatishmërinë për avancimin e bashkëpunimit në mes të FSK-së dhe Komandës Rajonale-Lindje. /2LONLINE/