Komandanti i FSK-së Gjenerallejtënant Bashkim Jashari është pritur nga komandanti i JRTC Gjeneral Brigade Jason A. Curl

Me përmbylljen e vizitës në ShBA, Gjeneral Jashari ka takuar Komandantin e Qendrës së Trajnimit të Përbashkët për Gatishmëri (JRTC) në Ft Johnson të Louisiana, si dhe ka takuar pjesëtarët e rotacionit të trajnimit 25-08 për gatishmëri dhe dislokim.

Fillimisht Komandanti i kësaj qendre Gjeneral Brigade Curl e njoftoi Gjeneral Jasharin për performancën e dalluar të pjesëtarëve të FSK-së krahas trupave partnere amerikane, si dhe vlerësimet e larta nga stafi i kësaj qendre për trajnimit përgatitor për dislokim të këtij rotacioni.

Ndërsa në anën tjetër Gjeneral Jashari e falenderoi Gjeneral Brigade Curl për mbështetjen e ofruar për trajnimin e trupave tonë dhe vlerësoi lartë nivelin e trajnimit që ofron kjo qendër.

Gjithashtu Gjeneral Jashari vizitoi edhe poligonet dhe hapësirat e ndryshme të trajnimeve, ku u njoh nga afër me mundësitë dhe kapacitetet që ofron kjo qendër në trajnimin dhe përgatitjen e trupave për gatishmëri dhe dislokim, njofton FSK. /2LONLINE/