Komandanti i Forcës së Sigurisë së Kosovës priti në takim Atasheun britanik të Mbrojtjes në Kosovë

Komandanti i FSK-së, Gjenerallejtënant Bashkim Jashari priti sot në takim lamtumirës Atasheun e mbrojtjes së Mbretërisë së Bashkuar, Nënkolonel Edward John Green.

Fillimisht Gjeneral Jashari falënderoi Nënkolonelin Green për shërbimin e tij të deri tanishëm si atashe i mbrojtjes, duke vlerësuar lartë bashkëpunimin dhe shprehur mirënjohje për punën e tij.

Gjithashtu, KOMFSK diskutoi për objektivat e tij lidhur me zhvillimin e Forcës, si dhe planet bilaterale lidhur me trajnimet, stërvitjet, pajisjet dhe aktivitetet tjera të përbashkëta. Në anën tjetër, Nënkolonel Green përgëzoi Gjeneral Jasharin për zhvillimin e madh të FSK-së dhe për profesionalizmin e lartë të personelit të FSK-së, që janë duke e shfaqur në aktivitetet e përbashkëta.

Në fund të dy palët u pajtuan që marrëdhëniet bilaterale të zhvillohen edhe më tutje, me fokus kryesor në fushat e zhvillimit të kapaciteteve ushtarake të FSK-së në funksion të përmbushjes së misionit të saj.

KOMFSK i ndau mirënjohje Nënkolonelin Green, për punën dhe kontributin e tij gjatë shërbimit si Atashe i Mbrojtjes së Britanisë. /2LONLINE/