Komandanti i Forcës së Sigurisë së Kosovës mirëpret në takim këshilltarët ushtarak britanik
Komandanti i FSK-së, Gjenerallejtënant Bashkim Jashari priti sot në takim lamtumirës / njoftues, këshilltarët ushtarak Britanik, Nënkolonel John Hunter dhe Nënkolonel Mike Butler.
Fillimisht Gjeneral Jashari falënderoi Nënkolonelin Hunter për shërbimin e tij të deri tanishëm si këshilltar ushtarak, duke vlerësuar dhe shprehur mirënjohje të lartë për punën e tij. Gjithashtu i shprehu mirëseardhje dhe i uroi për detyrën e re si këshilltar ushtarak NKOL Butler.
KOMFSK diskutoi për objektivat e tij lidhur me zhvillimin e Forcës si dhe planet bilaterale lidhur me trajnimet, stërvitjet, pajisjet dhe aktivitetet tjera të përbashkëta. Ndërsa NKOL Hunter përgëzoi Gjeneral Jasharin për zhvillimin e madh të FSK-së dhe për profesionalizmin e lartë të personelit të FSK-së.
Në fund të dy palët u pajtuan që marrëdhëniet bilaterale të zhvillohen edhe më tutje duke u fokusuar në fushat e zhvillimit të kapaciteteve ushtarake të FSK-së në funksion të përmbushjes së misionit të saj. /2LONLINE/