Komanda e Doktrinës dhe Stërvitjes ka realizuar Kursin e Avancuar për Snajper

Në kuadër të zhvillimit dhe avancimit të kapaciteteve profesionale të Forcës së Sigurisë së Kosovës, është realizuar Kursi i Avancuar për Snajper, me fokus në aftësimin dhe përgatitjen e pjesëtarëve për realizimin e detyrave të vëzhgimit, zbulimit dhe mbledhjen e informacioneve në zona me rrezikshmëri të lartë.

Gjatë kursit, pjesëmarrësit janë trajnuar dhe vlerësuar në fusha të ndryshme profesionale, përfshirë: organizimin dhe planifikimin e misionit, kalkulimin dhe realizimin e qitjeve, përdorimin e sistemeve të precizionit SIG Sauer, aftësitë fushore, përfshirë kamuflimin, fshehjen dhe lëvizjen, teknikat e përndjekjes dhe vëzhgimit (Stalking), identifikimin dhe angazhimin e caqeve sipas prioriteteve të përcaktuara në mision etj.

Përmes trajnimeve të avancuara, FSK vazhdon të investojë në rritjen e profesionalizmit, disiplinës dhe kapaciteteve operacionale të pjesëtarëve të saj, në funksion të përmbushjes së misionit dhe standardeve të kërkuara profesionale. /2LONLINE/