Koha për Poezi (Xhelil Arifi)

*
Përkujtimi nuk më mjafton
ju kujtoj ju
edhe kur jam mirë e edhe keq kur jam
ty Skifter qielli atje lart
që bënë roje tokën mëmë
tok me Kastriotin
ishte dhe është rrjedhë
e një lumi krenarie në vazhdim
është
legjenda e fundit në radhë

*
Errësira mbaroi
Perëndoi në anën e zezë të historisë
Hidhe fanarin e shuar
Shëro plagën plakë
Ec amshueshëm
Drita vjen nga yjet
Dhe lindë agun e përgjëruar

*
Dora jote më prek
derisa shikoj këmbët e tua
harroj ndjenjën që më shkaktoi ajo përkëdhelje
të dëshiroj të tërën ty
më përkëdhelë vetëm edhe pak
e pastaj të mos e kem as fijen e turpit në sy

*
Pa bonton
e me nonsense
je ti, njeri të thënshin
e
unë Voyeur
që të shikon trishtueshëm

/Xhelil ARIFI/