Klubi i Xhudos “Gjilani” pjesëmarrës në “Struga Open 2025”
Klubi i Xhudos “Gjilani” pjesëmarrës në “Struga Open 2025”
Sot është dita e garës – Struga Open 2025!
“Xhudistët tanë janë të gatshëm të dalin në tatami në një nga turnetë më të fortë ndërkombëtarë të vitit, me mbi 20 shtete pjesëmarrëse – përfshirë Anglinë, Italinë, Sllovakinë, Shqipërinë, Kosovën, Greqinë, Turqinë dhe shumë të tjera”, thuhet në njoftimin e këtij klubi.
“Një sfidë e vërtetë që kërkon forcë, përkushtim dhe zemër – dhe ne jemi krenarë që përfaqësojmë klubin dhe vendin tonë në një skenë kaq të madhe”, thuhet tutje në njoftim, transmeton 2LONLINE.com.
Përndryshe, ditë më parë, kryetari i këtij klubi, Esat Selimi dhe trajnerët, Ibraim Hasani dhe Drin Rexhepi, bashkë edhe me xhudistët e këtij klubi, u pritën nga kryetari i Komunës së Gjilanit, Alban Hyseni, i cili u dëshirojë suksese të mëtutjeshme duke përfshirë edhe suksese në këtë garë që mbahet në Strugë.
Kujtojmë se xhudistët e këtij klubi një javë më parë arritën sukses të madh në Turneun Ndërkombëtar në Mal të Zi – Bijelo Polje 2025, nga ku u kthyen me medalje të arta, argjendta dhe bronzta.
Pritet që edhe nga kjo garë ndërkombëtare “Struga Open 2025”, të kthehen me medalje. /2LONLINE/