Klubi i Xhudos “Gjilani”: Morën pjesë me 13 garues, fituan 7 medalje

Klubi i Xhudos “Gjilani”, ka marrë pjesë në Turneun Ndërkombëtar të Xhudos “Rozaje Open”, në Rozhajë të Malit të Zi, ku u përfaqësua me 13 xhudistë të vegjël, të cilët treguan shpirt luftarak dhe 7 prej tyre edhe u stolisën me medalje.

Drejtuesit e klubit dhe trajnerët si, Esat Selimi dhe Ibraim Hasani, u shprehën të lumtur për ktë rezultat por thanë se nuk është vetëm numri i medaljeve që i bënë të lumtur, por mënyra se, secili prej tyre luftoi me zemër dhe tregoi karakter në tapet.

Medalistët:

U8 – Elsa Osmani, Arton Sulejmani

U12 – Rilind Sylejmani, Belkize Rexha

U12 – Isra Halimi, Ylljeta Sulejmani, Lanika Bajrami

Përndryshe, drejtuesit e klubit i shprehën mirënjohës për punën e xhudistëve, për përkushtimin e prindërve që i mbështesin dhe për çdo sakrificë të bërë gjatë rrugës.

“Këta fëmijë më japin energji çdo ditë dhe më kujtojnë pse e dua këtë profesion kaq shumë.  Urime të gjithëve – ky është vetëm fillimi i rrugës sonë”, thuhet në njofitmi ne Klubit të Xhudos “Gjilani”.  /2LONLINE/