Klubi i Xhudos “Gjilani” do të jetë pjesë e Turneut Ndërkombëtar në Prilep, pritën suksese nga xhudistët gjilanas

Drejtuesit e Klubit të Xhudos “Gjilani”, kanë bërë me dije se sot xhudistët e këtij klubi do të jenë pjesëmarrës në Turneun Ndërkombëtar në Prilep.

Klubi i Xhudos “Gjilani” e pret një sfidë e rëndësishme dhe me konkurrencë të fortë pasi do të marrim pjesë në turneun ndërkombëtar ku do të garojnë, 460 garues nga 40 klube që vijnë prej 8 shteteve.

“Klubi i Xhudos “Gjilani” përfaqësohet sot nga 10 xhudistë të rinj të moshave të ndryshme, të cilët janë të gatshëm të japin më të mirën e tyre në tatami dhe të na nderojnë me rezultate e performancë të shkëlqyer.  I urojmë shumë sukses fëmijëve tanë dhe shpresojmë të kthehemi me medalje”, thuhet në njoftimin e klubit.   /2LONLINE/