Klubet gjilanase marrin pikë të plota, fitojnë edhe Drita edhe Gjilani

FC Drita e SC Gjilani, klube gjilanase që bëjnë gara në elitën e futbollit kosovar, kanë marrë pikët të plota nga ndeshjet e javës së 9-të, pasi kanë qenë më të mirë se kundërshtarët e tyre, Malisheva, përkatësisht Prishtina e Re dhe kësisoji janë ngritur më lart në tabelën e klasifikimit.

FC Drita, kampione akltuale, me të tretën fitore radhazi, ka shtuar edhe tri pikë të reja, duke mundur kësaj here skuadrën e Malishevës me rezultat 2:1 dhe me këto tri pikë ka shkuar në kuotën e 14 pikëve dhe është pozicionuar për momentin në pozitën e katërt.

Kur jemi te ndeshaj e sotme, Drita kaloi në epërsi në minutën e 67-të, kur Besnik Krasniqi u tregua i saktë nga penalltia, e mysafirët barazuan përmes Xhemajl Ibishit në minutën e 81-të, por pak minuta para fundit të ndeshjes, Albert Dabiqaj shënoi për 2 me 1, me të cilin rezultat edhe përfundoi takimi.

Ndërsa, kur jemi te skuadra tjetër gjilanase, edhe ajo në këtë xhiro shënoi fitore minimale prej 1 me 0, në udhëtim te Prishtina e Re. Golin e vetëm të takimit, për SC Gjilanin, e realizoi Senad Jaroviq në minutën e 83-të.

Kjo fitore e skaudrës kuq e bardhë në udhëtim te Prishtina e Re,  vlerësohet e vlefshme për faktin se trajneri i ri i skuadrës gjilanase, Debatik Curri, e nis mbarë, me fitore, duke ndërprerë serinë e tri humbjeve të njëpasnjëshme dhe duke bërë që skuadra gjilanase të ikë nga fundi i tabelës, t’i rikthehet skuadrës motivimi i duhur për të hapëruar tani e tutje drejt rezultateve pozitive, për ta arriturr objektivin që e kanë synim, Europën.

Tani, skuadra e Gjilanit i ka grumbulluar 10 pikë dhe nga vendi i fundit (10), për momentin ngritët në pozitën e shtatë.  /2LONLINE/