Klaiqi: Vazhdon përkushtimi për fëmijët me nevoja të veçanta arsimore
Drejtori i Drejtorisë së Arsimit, në Komunën e Kamenicës, Selami Klaiqi, së bashku me zyrtarë të kësaj drejtorie, kanë pritur në takim Ekipin për vlerësimin pedagogjik të fëmijëve me nevoja të veçanta arsimore.
Temë e takimit ishte vlerësimi pedagogjik i rasteve të fëmijëve me nevoja të veçanta arsimore, me fokus trajtimin dhe përkrahjen e tyre në procesin edukativo-arsimor.
Sipas drejtorit Klaiqi, ekipi ka realizuar një punë të jashtëzakonshme gjatë vitit 2026, duke shënuar rekord në kohën e vlerësimit të rasteve. Ai theksoi se aktualisht nuk ka asnjë rast në listë të pritjes, gjë që dëshmon për angazhimin dhe efikasitetin e ekipit.
“Do të vazhdojmë të jemi të përkushtuar për të gjithë fëmijët dhe për t’u ofruar mbështetjen e nevojshme në çdo aspekt të procesit arsimor”, ka deklaruar drejtori Klaiqi. /2LONLINE/