KKSH nderon me mirënjohje ministrin Gent Cakaj
Kryetari i Këshillit Kombëtar Shqiptar ka nderuar me MIRËNJOHJE ministrin në detyrë për Evropën dhe Punët e Jashtme, Gent Cakaj me motivacionin “për mbështetjen dhe qasjen proaktive ndaj shqiptarëve të Luginës së Preshevës”.
“Sot nderova me “MIRËNJOHJE” , Ministrin për Evropën dhe Punët e Jashtme, Gent Cakaj për mbështetjen e Këshillit Kombëtar Shqiptar si dhe për mbështetjen dhe qasjen proaktive ndaj shqiptarëve të Luginës së Preshevës”, është shprehur Ragmi Mustafa.
Sipas tij marrja për sipër e financimit të rregullt të KKSH-së nga MEPJ, mbështetja për qendrën multifunksionale, diplomaci aktive për Luginën si dhe një sërë masash sa konkrete po aq programatike janë padyshim kontribut i jashtëzakonshëm i ministrit Cakaj.
“Mbetet edhe shumë punë për të bërë, por dinamizimi i marrëdhënieve të MEPJ dhe KKSH-ës si dhe komunikimi i rregullt për bashkërendim është tejet shpresëdhënës. Faleminderit Ministër Gent Cakaj”, ka thëë Mustafa.
Ministri në detyrë për Evropën dhe Punët e Jashtme, Gent Cakaj ka qëndruar pë vizitë treditore në Bujanoc dhe Preshevë.
BURIMI: Titulli.com