Në mbledhjen e rregullt të Komitetit Komunal për Mbrojtje dhe Shpëtim, u vlerësua gjendja aktuale epidemiologjike në komunën e Vitisë.
Momentalisht u tha se gjendja momentale epidemiologjike është nën kontroll dhe numër jo i madh i të infektuarëve me Covid 19 në komunën e Vitisë, krahas numrit të madh që po paraqiten në nivel vendi.
Kryetari i komunës, njëherit kryesues i këtij Komiteti, Sokol Haliti kërkoi mobilizim nga gjitha drejtoritë komunale, që stafi punonjës të zbatojnë masat strikte dhe vendosje të maskës në punë, ndërkohë që ka kërkuar nga drejtorët që të reduktojn stafin e zyrtarëve më esencial, përderisa të tejkalohet kjo situatë.
Komandanti i policisë në Viti, kapiten Afrim Halili, njoftoi se policia është duke patrulluar në teren, sidomos në ndalimin e qytetarëve që nuk respektojnë masat e kërkuara nga IKSHP-ja, për të cilët tha se do të gjobiten për mos mbajtje të maskës.
Gjithashtu, u alepua tek të gjithë qytetarët që të zbatojn masat dhe të vendosin maskat, duke mbajtur edhe distancën e mjaftueshme.
Në komunën e Vitisë, po vazhdon edhe mëtej klorifikimi i rrugëve dhe trotuareve, në mënurë që të parandalohet shpërndarja e mundshme e infektimeve. /2LONLINE.com/
