KK i Gjilanit edhe me seancë të jashtëzakonshme edhe me atë solemne

/2L ONLINE/ – Kuvendi Komunal i Gjilanit do t’i mbajë dy seanca të njëapsnjëshme, përgjatë dy ditëve, me 14 dhe 15 qershor, ku njëra do të jetë seancë e jashtëzakonshme e tjetra solemne.

Kuvendi Komunal mban seancë të jashtëzakonshme më 14 qershor

Seanca e jashtëzakonshme e Kuvendit të Komunës së Gjilanit do të mbahet në sallën e re të mbledhjeve, (ish-objekti i gjykatës), më 14.06.2016, nga ora 10:00. Në rend dite, ndër të tjera, është edhe shpallja “qyetar nderi” të Josef R. Biden dhe Erzen Rrustemit.

R E N D P U N E

1. Konstatimi i prezencës së anëtarëve të KK-së
2. Propozim vendimi për rialokim te mjeteve për projekte kapitale
3. Shpallja “Qytetar Nderi” i Gjilanit të z. Joseph R.Biden III
4. Shpallja “Qytetar Nderi” i Gjilanit i z. Erzen Rrustemi
5. Miratimi i iniciativës për nxitjen e bashkëpunimit ndërkomunal me Lipjanin në fushën e infrastrukturës rrugore
6. Miratimi i nismës së kryetarit të komunës së Gjilanit, për bashkëpunim ndërkomunal në fushën e infrastrukturës rrugore
7. Miratimi i vendimit për autorizimin e kryetarit të Komunës së Gjilanit për bashkëpunim nderkomunal me Komunat fqinje në sferën e mbrotjes nga fatëkeqësitë natyre dhe fatkeqësitë tjera

Seanca mbahet në sallën e mbledhjeve të KK (ish-objekti i gjykatës) më 14.06.2016, ora 10:00.

Ndërsa, ditën tjetër me 15 qershor sërish do të mblidhen kuvendarët gjilanas, pasi Kuvendi Komunal mban seancë solemne.

Për nder të ditës së çlirimit, Kuvendi Komunal i Gjilanit mban seancë solemne, të mërkurën, më 15 qershor 2016.
Seanca fillon në ora 11:00 dhe mbahet në sallën e Kuvendit (ish-objekti i gjykatës). /2L ONLINE/