KK Gjilan: Pa opozitën (PDK e LVV) nis seanca e jashtëzakonshme

/2L ONLINE/ – Kuvendi Komunal i Gjilanit ka nisur të martën seancën e jashtëzakonshme të cilën po e bojkoton opozita, anëtarët e kuvendit nga radhët e PDK-së dhe Lëvizjes Vetëvendosje.

Seanca e jashtëzakonshme e Kuvendit të Komunës së Gjilanit do të mbahet në sallën e re të mbledhjeve, (ish-objekti i gjykatës), më 14.06.2016, nga ora 10:00. Në rend dite, ndër të tjera, është edhe shpallja “qyetar nderi” të Josef R. Biden dhe Erzen Rrustemit si dhe sot u plotësua edhe me emrin e Xherdan Shaqirit.

Ja rendi i punës:

Konstatimi i prezencës së anëtarëve të KK-së
Propozim vendimi për rialokim te mjeteve për projekte kapitale
Shpallja “Qytetar Nderi” i Gjilanit të z. Joseph R.Biden III
Shpallja “Qytetar Nderi” i Gjilanit i z. Erzen Rrustemi
Shpallja “Qytetar Nderi” i Gjilanit i z. Xherdan Shaqirit
Miratimi i iniciativës për nxitjen e bashkëpunimit ndërkomunal me Lipjanin në fushën e infrastrukturës rrugore
Miratimi i nismës së kryetarit të komunës së Gjilanit, për bashkëpunim ndërkomunal në fushën e infrastrukturës rrugore
Miratimi i vendimit për autorizimin e kryetarit të Komunës së Gjilanit për bashkëpunim nderkomunal me Komunat fqinje në sferën e mbrojtjes nga fatkeqësitë natyre dhe fatkeqësitë tjera.

Përndryshe, mungesën e opozitës, kryesuesja e Kuvendit komunal Valentina Bunjaku – Rexhepi e vlerësoi si çështje e tyre. “Ata i kanë arsyet e tyre që mungojnë ne i kemi arsyet tona që e kemi ftuar, por ata duhet ta dinë se është herët për një fushatë politike”, tha ajo. /2L ONLINE/

KOMENTE