“Kjo qeverisje po e shkatrron arsimin”

Këshilltarja e LDK-së, Besa Hoxha-Krasniqi ka bërë përgjegjës kryetarin Begzad Sinani dhe Agim Shkodra për gjendjen e rëndë në sferën e Arsimit. Sipas saj praktika e shkeljeve ligjore, abuzimeve dhe mosrespektimit të udhëzimeve administrative, janë bërë tashmë të zakonshme për udhëheqjen komunale.

Së fundi, Hoxha-Krasniqi ka denoncuar dhunën psikike dhe fizike të përdorur ndaj nxënësve të shkollave të mesme. “Nuk janë respektuar të drejtat e nxënësve dhe kriteret për regjistrimin e tyre. Gjatë këtyre ditëve në shkolla ka pasur kërcënime, nepotizëm, injorime, standarde të dyfishta, deri te përdormi i dhunës”, ka thënë ajo për Kamenicapress.