KGJK dënon ashpër sulmin ndaj Qëndresa Sejdiut gjyqtares së Gjykatës Themelore në Gjilan, dega në Viti

Këshilli Gjyqësor i Kosovës (KGJK) dënon ashpër sulmin ndaj gjyqtares së Gjykatës Themelore në Gjilan, dega në Viti, znj. Qëndresa Sejdiu, i ndodhur pasditen e datës 4 nëntor 2026, në fshatin Sadovinë e Jerlive, Komuna e Vitisë.

KGJK thekson se sulmet e këtij lloji ndaj gjyqtarëve janë të papranueshme dhe të patolerueshme, dhe i dënon fuqishëm ato. Çdo akt i tillë përbën sulm ndaj sistemit të drejtësisë dhe ndaj vetë sundimit të ligjit.

KGJK mbështet fuqishëm gjyqtarët në përmbushjen e detyrave të tyre në mënyrë të pavarur, të paanshme dhe profesionale, në shërbim të drejtësisë dhe interesit publik.

Njëkohësisht, u bëjmë thirrje organeve kompetente që të ndërmarrin të gjitha veprimet e nevojshme për hetimin e menjëhershëm të rastit dhe për të garantuar mbrojtjen dhe sigurinë e gjyqtarëve, në përputhje me detyrimet kushtetuese dhe ligjore.  /2LONLINE/