KF Kika: Burim Shala merr detyrën e shefit të shtabit teknik

“Klubi Futbollistik Kika ka kënaqësinë të njoftojë arritjen e marrëveshjes me trajnerin Burim Shala, i cili nga ky sezon do të marrë detyrën e Shefit të Shtabit Teknik në klubin tonë”, thuhet në njoftimin zyrtar të klubit.

Burim Shala vjen me një përvojë të pasur në futbollin vendor, duke shërbyer më parë si kryetrajner i KF Fushë Kosova dhe KF Vjosa, si dhe ndihmës trajner te KF Llapi, ku ka kontribuar në zhvillimin dhe suksesin e ekipit.

“Me profesionalizmin, përkushtimin dhe njohuritë e tij, jemi të bindur se trajneri Shala do të sjellë energji të re dhe do të udhëheqë klubin tonë drejt objektivave të këtij sezoni. I urojmë mirëseardhje trajnerit Burim Shala dhe shumë suksese në krye të shtabit teknik të KF Kika”, thuhet në njoftim.  /2LONLINE/