Këto skuadra janë bartës të grupeve në Ligën e Kampionëve

Liga e Kampionëve përgatitet për shortin e fazës së grupeve të Ligës së Kampionëve me shumë mundësi të ballafaqimeve të mëdha.
Shorti që do të përcaktojë grupet për edicionin e ardhshëm të Ligës së Kampionëve do të tërhiqet në Monaco të enjtën.

Në pritje të skuadrave të fundit që do t’i kompletojnë pjesëmarrësit – që do t’i mësojmë sonte – tashmë dihen bartësit e grupeve.

E në mesin e tyre ka befasi të mëdha. Barcelona, Chelsea, Bayern München, Juventus, Benfica, PSG, Zenit dhe PSV Eindhoven janë në vazon e parë.

Kurse, skuadra të mëdha si Real Madrid, Atlético Madrid, Porto, Arsenal, Manchester City janë në të dytën. Andaj, na presin duele të mëdha menjëherë në fazën e parë të garës.