Këtë fundjavë starton edicioni i ri i Superligës, Gjilani mirëpret Ferizajn, Drita në udhëtim luan me Trepça ’89

Këtë fundjavë starton edicioni i ri 2022/23 në BKT Superligën e Kosovës në futboll. Dy skuadrat gjilanase do ta nisin kampionatin të shtunën.

Gjilani do të jetë nikoqir i skuadrës së  Ferizajt, derisa Drita do të jetë udhëtuese për t’u ballafaquar  me skuadrën Trepça ’89.

Që të dyja këto takime nisin në ora 17:00.

Përndryshe, të shtunën luhet edhe ndeshja tjetër  Dukagjini-Prishtina.

Të dielën luhet vetëm ndeshja Drenica-Llapi në orarin e njëjtë, kurse ndeshja Malisheva-Ballkani është shtyrë, për shkak se Ballkani të enjten e zhvilloi ndeshje në garat evropiane.

Përndryshe, Komisioni i Garave e ka përpiluar orarin e plotë të ndeshjeve të BKT Superligës për fazën e parë.

Për shkak se sivjet prej 21 nëntor deri më 18 dhjetor do të mbahet Kupa e Botës “Katari 2022”, Komisioni i Garave ka planifikuar që garat e stinorit vjeshtor të mbyllen para fillimit të këtij eventi, prandaj disa javë do të zhvillohen në mesjavë.  /2LONLINE/