Këshilltarja e BE-së, Fidalgo sot në Kosovë

Marta Garcia Fidalgo, këshilltare për politikën e Koordinimit të Romëve në Drejtorinë e Përgjithshme për Politikën e Fqinjësisë Evropiane dhe Negociatat e Zgjerimit (DG NEAR), sot dhe nesër do të qëndrojë në Kosovë.

Qëllimi i vizitës është diskutimi i përfshirjes se romëve, ashkalive dhe egjiptianeve dhe politikat e ardhshme në mbështetje të tri komuniteteve.

Fidalgo do të takohet me autoritetet në Prishtinë, si dhe deputetë romë, ashkali dhe egjiptianë dhe përfaqësues të tjerë, duke përfshirë edhe shoqërinë civile.

Ajo do të vizitojë gjithashtu projektet që BE-ja ka financuar në mënyrë që të ndihmojë komunitetet egjiptian, rom dhe ashkali, duke përfshirë një shkollë shumetnike në Fushë Kosovë.