Këshilli i Bashkësisë Islame në Gjilan priti një delegacion të lartë nga Republika e Turqisë

Kryetari  i Këshillit të Bashkësisë Islame në Gjilan, Naim ef. Aliu priti sot në takim një delegacion nga Republika e Turqisë. 

Delegacionit i printe këshilltari për çështje fetare Bunyamin Albayrak i cili shoqërohej nga Ramazan Yilmaz  drejtor i Qendrës Kulturore “ Yunus Emre”, Veysel Erdel- këshilltar për arsim, Nedim Arslan- drejtor gjeneral i Fondacionit  Meaarif dhe Ahmet Sacit, këshilltari për kulturë.  

Kjo vizitë kishte për qëllim ngritjen e bashkëpunimit në realizimin e projekteve të përbashkëta me Bashkësinë Islame të Kosovës në fushën e trashëgimisë kulturore islame dhe atë arsimore e edukative.

 Kryetari Aliu falënderoi mysafirët për projektet e realizuara në komunën e Gjilanit derisa ishte mendim i përbashkët se bashkëpunimi në fusha të ndryshme duhet të vazhdojë edhe më tutje.  /2LLONLINE/