Këshilli i Bashkësisë Islame në Gjilan ndau iftare në qendër të qytetit

Këshilli i Bashkësisë Islame në Gjilan, në bashkëpunim me Këshillin e xhematit të fshatit Cërrnicë organizoi një aksion humanitar të një lloji ndryshe nga iftaret e zakonshme.

Në qendër të qytetit te Gjilanit u organizua përgatitja e ushqimit për kalimtarët e rastit dhe për të gjithë të interesuarit që të marrin ushqimin dhe të bëjnë iftar në familjet e tyre.

Kryetari i KBI Naim ef Aliu në një deklarim te tij u shpreh se” po bëjmë përpjekje që në ditët e mbetura të Ramazanit në pamundësi që të bëjmë iftar me të gjithë gjilanasit, atyre tu përgatitim iftarin e gatshëm dhe ata ta marrin ushqimin nga sofra jonë dhe të ushqehen në shtëpitë e tyre”.

“Duhet të theksojmë se në këto ditë të mbetura të agjërimit sikur është shtuar kurreshtja e vullnetmirëve për të përfituar shpërblime më shumë, duke I ndihmuar shtresave të ndryshme në nevoje”, ka thënë Aliu.  /2LONLINE/.