Këshillat e bashkësive lokale në Rogoçicë e Muçivërc identifikojnë nevojat dhe sfidat e komunitetit

/2L ONLINE/ – Organizata Jo-qeveritare (OJQ) – Network of Peace Movement (NOPM), në kuadër të projektit “Rritja e pjesëmarrjes së publikut në vendim-marrje dhe politikë bërjes përmes avokimit të autoriteteve komunale dhe ngritjes së kapaciteteve të komiteteve konsultative dhe këshillave të fshatrave” projekt i financuar nga BE-ja dhe i menaxhuar nga Zyra e Bashkimit Evropian në Kosovë, dhe i zbatuar nga Fondacioni Kosovar për Shoqëri Civile (KCSF), si dhe i implementuar nga NOPM, më datën 14 Dhjetor, 2016 ka organizuar takimin e parë me këshillat e bashkësive lokale të fshatit Rogoçicë dhe Muqivërcë, për identifikimin e nevojave të komunitetit apo grupeve lokale të interesit. Ky takim ka pas për qëllim rritjen dhe angazhimin e anëtarëve të bashkësive lokale në identifikim e nevojave dhe sfidave të komunitetit.

Gjatë këtij takimi, të pranishmit janë njoftuar lidhur me rolin dhe përgjegjësitë e bashkësive lokale si dhe për identifikim e nevojave të komunitetit apo bashkësive lokale, ku gjatë mandatit të tyre, ata janë trupë e kuvendit komunal dhe pikërisht janë të zgjedhur me vota të drejtpërdrejta të qytetarëve dhe si të tillë mund tëfunksionojnë duke i ndihmuar komunitetit ku jetojnë.

Sipas shumicës që morën pjesë në diskutime, u tha se në komunën e Kamenicës këshillat e bashkësive lokale janë të formuara, po jo edhe aq funksionalë pasi që ju mungojnë infrastruktura për punë, nuk kanë komunikim të mirëfilltë me organet komunale, gjithashtu edhe mos shqyrtimi i kërkesave të dërguara drejtorive komunale dhe kuvendit po e zbeh edhe vetë punën e këshillave të bashkësive lokale.

Në këtë takim kanë marrë pjeseshumica e anëtarëve të këshillave të bashkësive lokale, dhe përfaqësues të NOPM-së, me ç ‘rast u diskutuan edhe çështje dhe tema të ndryshme sa i përket projektit në përgjithësi. /2L ONLINE/